ಪುಂಡರೀಕನ ಪದ-೧
ತೈಲ ದೇಶದಲೆಲ್ಲ ಹಸಿರಿದ್ದ ಸಮಯವಿರೆ
ಸಾಲು ತುಪ್ಪಳದಾನೆ ಬದುಕಿ ಬಾಳಿತ್ತು
ಬಾಲವನು ಹೊಂದಿದ್ದ ಮನುಜ ತಾನಿದ್ದನೆನೆ
ಕಾಲಕ್ಕೆ ನಮಿಸಯ್ಯ ಪುಂಡರೀಕ
ಸಾಲು ತುಪ್ಪಳದಾನೆ ಬದುಕಿ ಬಾಳಿತ್ತು
ಬಾಲವನು ಹೊಂದಿದ್ದ ಮನುಜ ತಾನಿದ್ದನೆನೆ
ಕಾಲಕ್ಕೆ ನಮಿಸಯ್ಯ ಪುಂಡರೀಕ
ಛಂದದ ಹರಟೆ
ಉಮಾಶಂಕರರು 'ವಿಹಾ' ಎಂಬ ಚಂದದ ಪದ್ಯವನ್ನು ಪ್ರಾಚೀನ ಕಾಲದಲ್ಲಿ ಬರೆದಿದ್ದು, ದುರದೃಷ್ಟವಶಾತ್ ಅದೀಗ ಲಭ್ಯವಿಲ್ಲ. ಆದರೆ ಈ ಕೆಳಗಿನ ಹರಟೆಯಿಂದ ನೀವು ಅದರ ಸಾರಾಂಶವನ್ನು ಗ್ರಹಿಸಬಹುದು. ' ವಿಹಾ' ಪದ್ಯಕ್ಕೆ ಸುಮುಖರ ಪ್ರತಿಕ್ರಿಯೆ- ಕಾಳಿದಾಸ ಮೋಡ ನೋಡಿ ದೂತ ಪದ್ಯ ಬರೆದರೆ, ಮಗುವನೊಂದ ನೋಡಿ ನೀವು ಪದ್ಯ ಬರೆದಿರಲ್ಲವೆ! ಶಬ್ದ-ರಸದ ಬರವು ಬಂದು ನಾನು ಸುಮ್ಮನಾಗಿಹೆ, ಶಾರದೆಯನು ಒಲಿಸಿಕೊಂಡ ಗುಟ್ಟು ತಿಳಿಸಬಾರದೆ? ಅಂದ ಹಾಗೆ ವಿಹಳ ಬಗೆಗೆ ನಮಗು ಸ್ವಲ್ಪ ಹೇಳಿರಿ| ಆರು ಆಕೆ ಊರು ಎತ್ತ ಎಂಬುದನ್ನು ತಿಳುಹಿರಿ|| ನನಗೆ ಆಕೆಯನ್ನು ಒಮ್ಮೆ ನೋಡಿದಂತೆ ಅನಿಸಿತು| 'ನಿಮ್ಮ ಸೊಸೆಯೆ?' ಎಂಬ ಪ್ರಶ್ನೆ ಮನಸಿನಲ್ಲಿ ಮೂಡಿತು|| ಉಮಾಶಂಕರ್- ಕಾಳಿದಾಸನೆದುರು ನಾನು ಕಲಭದೆದುರಿನಿರುವೆಯು| ಮನಸಿಗೇನು ಬಂತೊ ಅದನೆ ಬರೆವುದೊಂದೆ ಕೆಲಸವು|| ಛಂದವಿಲ್ಲ ಪ್ರಾಸವಿಲ್ಲ! ಲಯವ ಕೊಂಚ ನಂಬಿಹೆ| ರಸಧ್ವನಿಗಳುಸಿರೆ ಇಲ್ಲ ಪದ್ಯಬರೆದೆನೆಂದಿಹೆ|| ಶಾರದೆಯನ್ನೊಲಿಸಿಕೊಂಡ ಗುಟ್ಟು ಬೇಕು ಎಂದಿರಿ| ಅಯ್ಯೊ ಆಕೆ ಎನಗೆ ಒಲಿದ ಳೆಂದು ಪೇಳ್ದರಾರು ರೀ?|| ಆಕೆಗೀಗ ಮಲೆಯನಾಡಿ ನಲ್ಲೆಯಂತೆ ವಾಸವು| ನೀರುಗಾರಿನೂರ ಸುಮುಖ- ರಲ್ಲೆಯಂತೆ ಪೂಜೆಯು|| ಎನಗೆ ಒಲಿದ ದೇವಿ ಲಕುಮಿ, ಎಂತದೆಂದು ಕೇಳ್ದಿರಾ| ಸುಮುಖ ಸಖ್ಯವನ್ನು ತಗುವ ಶ್ರೀಯ ಪೇಳಬಲ್ಲಿರಾ?|| ---- ಜ್ಞಾನಸುಧಾ ಪದವಿ ಪೂರ್ವ ವಿದ್ಯಾಲಯ ಬಲ್ಲಿರಿ| ನಾನು ಹರುಷದಿಂದ ವರುಷ ವೊಂದ ಕಳೆದುದಲ್ಲ...
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ